Festival de
l’artisanat

أحناا توا في وضعية فاقدين فيها الثقة من جميع الأصعدة
أحنا توا شعب خايف برشا ،خايف من الوعد إلي وراه ألف حيلة و سبب ،شعب خايف يستني يمنع ولا يموت ،ولادو تضيع و ترجع جثة من الماء ..
شعب خايف من كل خطوة في الوقت إلي يحب فيه ألف خطوة لبلادو
احنا في وضعية محلانا قدام العالم و مخيبنا في بعضنا
صدقوني كل شبر في بلادنا مطلوب ،كل صنعة ذهب ، كل بشر فينا أنثي ولا ذكر محلاه خاطرو تونسي بهبالو و ضحكتو أما النقص يخلف التعب و الوردة إلي ما تتسقاش تذبل ..
عنا جمعية من بين جمعيات في #بنزرت إحتضنت شباب يحبوا يخدموا و يعطاو من وقتهم للوطن
حراير سجنان زادة فاهمين الوضعية و عارفين إلي الرزق موش في أربعة تصاور و محواسة و فطور 🤗
الرزق وقت نوفرك بش تتنقل وقت نخليك إدور تونس شبر شبر و كل شبر يرحب بيكم اكثر من الشبر لاخر
راكم موش في سجنان مطلوبين ،راو العالم يقدر الثروة التونسية

اليوم حراير سجنان خرجوا من #بنزرت و شاركوا في تظاهرة في الحمامات 💛🖤💛🖤 و بالطبيعة الشكر لرئيس جمعية شباب من اجل المواطنة الفاعلة Kamel Djebbi و Naouel Maalaoui إلي حرصت علي نساء بلادها و Rim SD علي الوقت و المجهود بش تحافظ علي سلامتهم
التسميات تطول أما إلي بيه فايدة أنو المنتوج يدور في الولايات و ربي يجيبلهم القسم 🇹🇳❤️

#معرض الصناعات التقليدية بالحمامات
#بنزرت